اسلام آباد(سٹاف رپورٹر) ایم ڈی نیشنل پولیس فاونڈیشن سیدعلی ناصر رضوی کی ہاوسنگ ،ویلفیئر اینڈ ایجوکیشن کے حوالے سے موثر اقدامات کی ہدایت۔
ہاوسنگ پراجیکٹس سے متعلق جاری ٹاسکس پر عملدرآمد کا تفصیلی جائزہ لیا ،جبکہ این پی ایف کے رئیل اسٹیٹ منصوبہ جات کو سرمایہ کاری کے لیے مزید پرکشش بنانے اور موثر مارکیٹنگ اسٹریٹجی ترتیب دینے کیلئے افسران کو احکامات بھی جاری کئے۔
تفصیلات کے مطابق مینیجنگ ڈائریکٹر نیشنل پولیس فاﺅنڈیشن سید علی ناصر رضوی نے ہاوسنگ ،ویلفیئر اینڈ ایجوکیشن کے حوالے سے اہم اجلاسوں کا انعقادکیا،اس موقع پر ڈائریکٹر ہاوسنگ سید علی محسن ،ڈپٹی ڈائریکٹر فنانس ،ڈپٹی ڈائریکٹر ویلفیئر اینڈ ایجوکیشن اور این پی ایف اسٹاف مو جود تھے،ایم ڈی نیشنل پولیس فاﺅنڈیشن نے ہاوسنگ پراجیکٹس سے متعلق جاری ٹاسکس پر عملدرآمد کا تفصیلی جائزہ لیا ،جبکہ این پی ایف کے رئیل اسٹیٹ منصوبہ جات کو سرمایہ کاری کے لیے مزید پرکشش بنانے اور موثر مارکیٹنگ اسٹریٹجی ترتیب دینے کیلئے افسران کو احکامات جاری کئے، ایم ڈی این پی ایف نے کہا کہ نیشنل پولیس فاونڈیشن اپنے ممبران، سرمایہ کاروں اور پولیس فورس سے وابستہ افراد کی فلاح و بہبود کو مقدم رکھتے ہوئے رئیل اسٹیٹ پراجیکٹس میں موثر اقدامات کررہا ہے،ہماری کوشش ہے کہ ہم اپنے تمام اسٹیک ہولڈرز کو جدید طرز زندگی اور بہتر ین سہولیات سے آراستہ رئیل اسٹیٹ پراجیکٹس فراہم کر سکیں،انہوں نے مزید کہا کہ نیشنل پولیس فاﺅنڈیشن پاکستان بھر کے پولیس افسران اور شہریوں کے بہتر مستقبل ،شہریوں تک مختلف رئیل اسٹیٹ پراجیکٹس کی مکمل معلومات، ممبرشپ اور انہیں بہترین انویسٹمنٹ کے مواقع فراہم کرنے کے لئے پرعزم ہے،جبکہ ان پراجیکٹس سے پا کستان بھر کے تمام پولیس افسران اور شہری استعفادہ حاصل کر سکیں گے ،ایم ڈی نیشنل پولیس فاﺅنڈیشن نے ڈپٹی ڈائریکٹر ویلفیئر اینڈ ایجوکیشن کو بھی پولیس ملازمین اور انکے اہلخانہ کیلئے موثر اور ٹھوس اقدامات کو یقینی بنانے کی ہدایات جاری کیں،انہوں نے مزید کہاکہ این پی ایف صحت کے شعبے میں بھی شہریوں، پولیس افسران اور انکے اہلخانہ کو بہترین ،معیاری اور جدید ترین سہولیات فراہم کرے گا،عوام الناس کی جان و مال کی حفاظت کے دوران شہادت اور غازی کے مرتبے پر فائز ہونے والے پولیس افسران اور ان کے اہلخانہ کی ویلفیئر ہماری اولین ترجیح ہے،نیشنل پولیس فاونڈیشن تمام شہداءکے اہلخانہ ،غازیوں اور پولیس افسران کی فلاح و بہود کے لئے بھرپور اقدامات اٹھارہی ہے،تمام پولیس افسران کے لئے جدید سہولیات سے مزید رہائشی پراجیکٹس ،بچوں کے تعلیم و تربیت کے لئے سکول و کالجز اور صحت کی سہولیات بہم پہنچانے کے لئے جاری پراجیکٹس کو مزید فعال کیا جا رہا ہے ۔
