وزیراعظم نے شیرانی آپریشن میں سیکیورٹی فورسز کو خراجِ تحسین، 7 بھارتی حمایت یافتہ دہشتگرد ہلاک
اسلام آباد (اسٹاف رپورٹر) — وزیراعظم محمد شہباز شریف نے بلوچستان کے ضلع شیرانی میں بھارتی حمایت یافتہ فتنہ الخوارج کے سات دہشتگردوں کو ہدف بنا کر جہنم واصل کرنے پر سیکیورٹی فورسز کو خراجِ تحسین پیش کیا ہے۔ وزیراعظم نے کہا کہ اس کارروائی میں نہتے اور معصوم شہریوں کے جان و مال کو نقصان پہنچانے والے دہشتگردوں کو سخت شکست دی گئی ہے۔
وزیراعظم نے کہا کہ ملک سے دہشتگردی کے عفریت کو جڑ سے اکھاڑ پھینکنے کے عزم کو دوام پہنچایا جائے گا اور حکومتِ پاکستان اور سیکیورٹی فورسز دہشتگردی کے مکمل خاتمے کے لیے پرعزم ہیں۔ انہوں نے واضح کیا کہ پاکستان کی سالمیت کو نقصان پہنچانے کے خواہشمند عناصر کسی طور کامیاب نہیں ہوں گے۔
حکومت کی جانب سے جاری بیان میں مزید کہا گیا کہ عوامی سلامتی کا تحفظ اولین ترجیح ہے اور سیکیورٹی ادارے ہر صورت میں ملکی امن و استحکام کو برقرار رکھنے کے لیے اقدامات جاری رکھیں گے۔
وزیراعظم نے سیکیورٹی فورسز کے شجاعانہ اور بروقت آپریشن کو سراہتے ہوئے اہلِ خانہ اور علاقائی کمیونٹی کو تحمل اور تعاون کی اپیل بھی کی۔
